ads
ads

محدش عارف .. للشاعر محمد علاء المصرى 

السبت 11-05-2019 17:17

محدش عارف .. للشاعر محمد علاء المصرى

هايموت من إيه ولا إمتى وليه
ولا مين ف جنازته راح يبكي عليه

ومحدش عارف

كان مرضه خبيث حادثة أتوبيس
شقيان ف الشغل يقراله حديث

ومحدش عارف

دا معاه كام ركعة كام اية وفاتحة
كان فعلا خاشع او مات ف السجدة

ومحدش عارف

هايموت ف طريق فى البحر غريق
مركب في النيل قطر فيه حريق

ولاحدش عارف

ف مستشفى ونايم ودكاترة بهايم
وضميرهم غايب ع التمريض لايم

ومحدش عارف

من موتك خايف وبقلبك شايف
لا ولساك عايش بلسان وشفايف

ومحدش عارف

فى إيه هايفيدك ولا ايه اللي بايديك
بكفاية ذنوب راح تفسد عيدك

ومحدش عارف

بدموع بتعيط هات قلبك خيط
كده دواى جرحك واقضي على همك

ومحدش عارف

دا الحل معاه في رسول الله
القدوة الحسنة نمشي على خطاه

اضف تعليق