ads
ads

خواطر نفسيه مع د. أسماء جوده

الخميس 11-04-2019 06:29

كتبت : أسماء جودة

كفايه عليه يكون شيال

ما بين الضعف والقوه كانت تايهه وبستهبال

تصهين وقت الألم مره ومره تانيه تقوم في الحال

تعيشها جمال يشد جمال

وتيجي صفعه مجنونه وتهزمها في راحة البال

وعشمانه كتير في الروح وتتسابق علي الأميال

وتنهار كتير في البكا ولو سكت الحجر كان قال

وساعات الصمت يلجمها ولا يسمح لأي سؤال

وترجع تاني تتبسم

وتمسح بالهنا وجع كان حمله كحمل جبال

شقيه كانت ومجنونه لكن وقت الكلام جاده

تتوه الدنيا في عيونها ولو شارده تكون عاشقه

ولما تقفل الدنيا بتبكي كما الطفل كان

وترجع تاني تتنهد وتسمح للجميل يهمس

وتنسي الأسي من صاحبه وتبعت للحنين مرسال

لا كانت يوم كما الهبله ولا هتكون

دي كانت وقت الوجع فاهمه وتستهبل بكل فنون

وعامله من الوجع أصداف تعلقهم في عقد جميل

يزينها في وقت الضعف مية مره

دي كانت صدق كتير متشال

لا بتعرف تتلون ولا عايزه جميل من حد

ويكفيها تملي الرد بأبسط حرف كان عالبال

تملي تكون أخر إيد ممكن من الوجع ترحل

ولو إن الجراح لحبيب

ولو إن القلب صار ترهيب

ولو إن الدمع وقفه نحيب

ولو إن البر كان تعاليب

الا إنها عارفه

إن الصدق مهما صعب لناس

فكتير منهم أكيد حاسه

لا يمكن يوم يكون رحال

وإن الشمس دفاها نهار

وإن القمر بينهم وصال

وساعة القدر ما يتكلم هيملي القلب كل جمال

كفايه عليه يكون شيال

كفايه عليه يكون شيال

#خواطر_نفسيه #د_أسماء_جوده

اضف تعليق