ads
رئيس التحرير
ads

الكاتب مصطفى الأمير يكتب: ساويرس إخوان يا جدعان

الثلاثاء 23-10-2018 08:57

بقلم/ مصطفى الأمير 

انا وساويرس نجيب بقينا جيران

علي النيل يا مصر في رملة بولاق سكان

واقفة تشوف بكرة علي أرضها من زمان

عطشانة والنيل قدامها بيجري بس حيران

ما بين سد إثيوبيا وملاعب الجولف خلصان

ضاع خيرك يا مصر بين غربان بذقن

وبين بدل لابسها انس اقرب الي الجاًن

كذبوا وقالوا عليهم دول شوية من نمل سليمان

واحنا بشر أحرار ولاد بلد جدعان

بنت مصر عندها ديش وغسيلها نظيف كمان

وهو بغسيل ماله الوسخ فوق برجه العالي

عامل فيها قارون وعنتر وبهلوان

في عزبة السوارسة الجونة عامل مهرجان

كله ظهر فيه لابس عريان وكمان سكران

ولاد المعلم أنسي نجيب وسميح ونصيف عربان

أصلهم صعايدة لكنهم باعوا نفسهم للشيطان

سميح الطيب وصي بثلث ثروته للخير والإنسان

ونصيف الشرس ونجيب عامل زعيم ومفتري علي الغلبان

النذل عاوز جزيرة لأهل سوريا في اليونان

وسايب جيرانه عايشين الفقر كما الفئران

كله في الآخر علي أصله يبان

المستور والمستخبي والظاهر كمان

اظهر وبان يا حق وعليك الأمان

بعدما ما يقوم الطوفان

بقوة السلطان وبأمر الله الرحمن

وتعود كرامتنا وعدالة وحرية الميدان

تحكم وتؤمر وتعدل الميزان

 

اضف تعليق