ads
ads

الشاعر أشرف شرارة يكتب : ” خنقني “

السبت 04-05-2019 09:48

كتب : أشرف شرارة

اتغيرت
من جهله معايا ف كل تصرف باستهتار
و كإني رقم مليون ف حياته و لاغي وجودي
كان لازم من جوايا اسيبه بدل ما انهار
و اعيش بطريقتي و اديني طردته برة حدودي

انا شوفت اهانة و قلة قيمة و ياما ضربني
بالذوق بتعامل كل ما بخلص هو يخوني
و مريض بالشك و باتهاماته ف سجن حبسني
خلاني كرهت سنيني معاه و احاسب نفسي
من كتر مشاكله و قلة ذوقه بجد ( خنقني )

انا اول مرة ادور على احساسي بالحرية
مفقودة و ضايعه و صعبة الدنيا بجد عليا
انا كنت بموت و بتطلع روحي ف كل دقيقه
كان لازم اقرر و اخلص منه بأي طريقه
انسان مش شايف اعمى و سابلي عقد جوايا
انا بكره اسمه و صوته و صورته و كارهه حياته معايا

انا شوفت اهانة و قلة قيمة و ياما ضربني
بالذوق بتعامل كل ما بخلص هو يخوني
و مريض بالشك و باتهاماته ف سجن حبسني
خلاني كرهت سنيني معاه و احاسب نفسي
من كتر مشاكله و قلة ذوقه بجد ( خنقني )

كلمات : اشرف شرارة 😒😒

اضف تعليق