ads
ads

الدكتورة أسماء تكتب: خواطر نفسية….. ” كأن”

الأربعاء 24-04-2019 08:11

مصر: د. أسماء جوده

قالت ….كأن

كأن الفرحه في البستان

كأن هدير البحر كان

كأن ملاك جميل حيران

و جوه الشمس حاسس بأمان

كأن الرحله في المسافات تزيد العمر كله حنان

ولما الضحك سرق من القلب سرق حزن عشش حيطان

كأن غنانا كان الحان

كأن القصه كانت فستان إسود كحيل قلب ألوان

كأن العطر في ريحته سكون

وجت البسمه منين ما نكون

وكانت صحبتنا كما الأحلام وهمس حياتنا ملي الأركان

كأن طلع لجناحتنا ريش

كأن الحزن سبقه قفيش

كأن اللحظه من فرحتنا وقفت قالت متتحركيش

وبعد ساعات من العمر حلوه قالتلي هانت وأن الأوان

كأن جمعنا علي الحب عهد أقوي من أي عهد كان

كأن صدي الصوت اللي كان

موجوع حلف يهرب لأي مكان

كأن خوف القلب داب

كأن الرعشه ويا الرهاب

هربوا بعيد لأبعد زمان

كأن داب الصمت في كلام

كأن راح الألم في سلام

كأن الإيدين إتشبكوا في هيام وجوه الحضن داب كل شيء

كان وجوه الحضن داب كل شيء

 

اضف تعليق