ads
ads

إحنا غير : كلمات الشاعر أشرف شرارة

الخميس 07-02-2019 05:15

كتب : أشرف شرارة

إحنا غير
إنتاج زمن مالوش ضمير
عشرة سنين مع الوجع
إحنا جيل ماشافش خير

في الغلا و الكوى عايشين و مفيش ولا حاجه ف عمرنا كافية
ماشيين نتدارى في حيط علشان بنعدي اليوم بالعافية
و محدش راحم حد و ماشية بمبدأ فوكك مني
و يا عم انا مالي انا فيا اللي مكفيني ما تبعد عني

جيل بيكبر من همومه قبل سنه
حقه ف حياته من ميلاده اتخلى عنه
جيل مالوش حق انه يفرح
فتح عيونه على حياة عمالة تجرح

فينا حاجه مخليانا نستمر
دايما نقول يمكن هتضحك في وشنا
ناخد ألم و نحس مر
لما الظروف بكل قسوة تصدنا
نرجع و تفقد ف الحياة كل الأمل
كل الطموح كل الحماس يقلب ملل
إحنا ف حياة ملهاش ميزان
إحنا ف معادلة مبقتش عادلة
و فيها خلل
كل حاجه مؤقته مبقتش باقية
دايرين في ساقية
دايرة مقفولة بنلف فيها متبرمجين
الجهلة هما اللي صوتهم عالي
و مسيطرين
و ألف مليون سلامة ع اللي طلعو متعلمين
و يا عالم لسة بكرة مخبي ايه
و رايحه بينا حياتنا فين

اضف تعليق